NLO! Od špiljskih crteža do susreta u orbiti

НЛО – неидентификуван летечки објект.

Иако станува збор за една од најпотиснатите теми во историјата, самите НЛО-и воопшто не се кријат. Слободно се појавуваат дење или ноќе, над пустите предели на Земјата или над нејзините градови. Најчесто ништо не прават, изгледа како само да набљудуваат.

И ние не можеме ништо против нив; а не дека не сме се обиделе. Се пукало кон нив, се гонеле со авиони, се гаѓале со ракети…

Со стотици фотографии во боја, оваа книга е сеопфатен водич што ја опфаќа комплексноста на феноменот НЛО. Покрај историскиот преглед на забележувањата на загадочни летала во текот на неколку илјади години, од пештерските цртежи до средбите во орбитата, ја претставува и историјата на контроверзите создадени во 20 век. Очигледно е дека реалноста на НЛО била негирана од структури кои, под изговор на „национална безбедност“ и „паника“, ги задржувале информациите за себе.

Но, од крајот на 20 век до денес, бројни се и примерите на јавно објавени материјали за НЛО во различни држави. Уште позагадочни се многубројните феномени поврзани со НЛО, од феноменот на „киднапирања“ или осакатување на добитокот, до необичните физички карактеристики на нивниот лет и погон, како и прашањата за ненадејното појавување, исчезнување и невидливост.

НЛО можеби не е најчудното нешто што светот го нуди, но со својата упорност и сложеност, секако претставува најзагадочниот феномен на денешницата.

ОД ПРЕДГОВОРОТ:

„Кога ќе се навлезе во темата за НЛО, околу нас се појавува свет со безброј нивоа на реалност, кој во одредени моменти дури изгледа како да е излезен од опис на некој шаман…“